ஹொரணை பெருந்தோட்ட கம்பனியின் கீழ் இயங்கும் மஸ்கெலிய ஓல்ட்டன் தோட்டத்தின் 40 தொழிலார்கள் தொழில் இழந்து பெரும் நிர்கதி நிலைக்கு தள்ளப்பட்டுள்ளனர்.

இலங்கையில் வேகமாக பரவி வரும் திரிபடைந்த கொவிட் 19 வைரஸினால் குழந்தைகள் விரைவில் பாதிக்கப்படுவதனால் பாடசாலைகளை விரைவில் ஆரம்பிப்பது பாதுகாப்பானது அல்ல என்று முன்னணி கொவிட் 19 ஆராய்ச்சியாளரும் ஶ்ரீஜயவர்தன பல்கலைக்கழக நோயெதிர்ப்பு மற்றும் மூலக்கூற்று அறிவியல்துறைத் தலைவருமான பேராசிரியர் நீலிக்கா மாலவிகே வலியுறுத்தியுள்ளார்.

பெருந்தோட்டத் தொழிலாளர்களின் 1,040 ரூபா சம்பள அதிகரிப்பு தொடர்பில் சம்பள நிர்ணய சபை நாளை முதலாம் திகதி மீண்டும் கூடி பேச்சுவார்த்தை நடத்தவுள்ளது.

இம்மாதம் 8 ஆம் திகதி பெருந்தோட்டத் தொழிலாளர்களின் 1,000 ரூபாய் அடிப்படை சம்பளம் குறித்து தீர்மானிப்பதற்காக கொழும்பிலுள்ள தொழில் அமைச்சில் தொழில் ஆணையாளர் தலைமையில் சம்பள நிர்ணயசபை கூடியது, இதன் போது 900 ரூபா அடிப்படை சம்பளம் , 140 ரூபா வாழ்க்கை செலவு புள்ளிக்கு ஏற்ற கொடுப்பனவும் மொத்தமாக 1,040 ரூபா உறுதிப்படுத்தப்பட்டது. இருந்த போதிலும் அரசாங்கத்தின் யோசனை மற்றும் தீர்மானங்களுக்கு கம்பனிகள் கடும் எதிர்ப்பை தெரிவித்திருந்தன.

சம்பள பிரச்சினை சம்பள நிர்ணய சபைக்கு கொண்டு செல்லப்பட்டதால் கூட்டு ஒப்பந்தம் வலுவிழந்துவிட்டதாக கம்பனிகள் சுட்டிக்காட்டியிருந்த அதேவேளை , இங்கு தொழிலாளர்களின் ஏனைய நலன்கள் கேள்விகுட்படுத்தப்பட்டிருந்தன

சம்பள நிர்ணய சபையின் தீரமானத்திற்கு ஆட்சேபனை தெரிவிக்க கடந்த 15ஆம் திகதி நண்பகல் வரையில் வாரகால அவகாலம் வழங்கப்பட்டிருந்தது. குறித்த காலப்பகுதிக்குள் சுமார் 180 ஆட்சேபனைகள் முன்வைக்கப்பட்டுள்ளன. தேயிலை தோட்டத் தொழிலாளர்களின் வேதன உயர்வு தொடர்பில், சிறு தேயிலை தோட்ட உரிமையாளர்களினால் அதிகளவான ஆட்சேபனைகளும், முதலாளிமார் சம்மேளனத்தின் சார்பில் சில ஆட்சேபனைகளும் முன்வைக்கப்பட்டிருந்தன.

அதேநேரம், இறப்பர் துறைசார் வேதன உயர்வை ஆட்சேபித்தும் குறிப்பிடத்தக்களவான ஆட்சேபனைகள் தெரிவிக்கப்பட்டிருந்ததாக தொழில் ஆணையாளர் நாயகம் பிரபாத் சந்திரகீர்த்தி தெரிவித்தார்.

இந்த நிலையில், முதலாளிமார் சம்மேளன பிரதிநிதிகளின் பிரதிநிதித்துவம் கடந்த கூட்டத்தில் இல்லாதமை காரணமாக, வேதன நிர்ணய சபையினால் வேதன உயர்வு விடயத்தில் தீரமானம் மேற்கொள்வதில், இழுபறி நிலை ஏற்பட்டுள்ளது. இந்த நிலையில், நாளை சம்பள நிர்ணய சபை மீண்டும் கூடி ஆராயவுள்ளது.

சம்பள நிர்ணய சபையின் நடைமுறை எவ்வாறானது?

சம்பள நிர்ணய சபையானது, தொழிற்சங்கங்கள் மற்றும் முதலாளிமார் சம்மேளனம் ஆகியவற்றின் தலா 8 பிரதிநிதிகளையும், அரசாங்கத் தரப்பினர் 3 பிரதிநிதிகளையும் கொண்டுள்ளது. சம்பள நிர்ணய சபை கூடுவதற்கான குறைந்தப்பட்ச உறுப்பினர்கள் எண்ணிக்கை 5 ஆகும்.

அதில், தொழிற்சங்க பிரதிநிதிகள் இரண்டு பேரும், முதலாளிமார் சம்மேளனத்தின் இரண்டு பிரதிநிதிகளும், அரசாங்க பிரிதிநிதி ஒருவரும் உள்ளடங்க வேண்டும்.

ஆனால், கடந்த வெள்ளிக்கிழமை (19) இடம்பெற்ற பேச்சுவார்த்தையில் தொழிற்சங்கத்தின் 8 பிரதிநிதிகள் பங்கேற்றிருந்த நிலையில், முதலாளிமார் சம்மேளனத்தின் சார்பில் ஒரு பிரதிநிதி மாத்திரமே பங்கேற்றிருந்தார்.

எனவே, கூட்டத்தை நடத்துவதற்கான குறைந்தபட்ச உறுப்பினர்களின் எண்ணிக்கை இல்லாதமை காரணமாக, குறித்த தினத்தில் கூட்டத்தை நடத்த முடியாமல் போனதுடன், பிறிதொரு தினத்திற்கு பேச்சுவார்த்தை பிற்போடப்பட்டது.

இந்த நிலையில், மார்ச் மாதம் முதலாம் திகதி சம்பள நிர்ணய சபையின் அடுத்த கூட்டத்திற்கு அழைப்பு விடுக்கப்பட்டுள்ளது.

சம்பள உயர்வு விடயத்தில் அமைச்சருக்கு தீர்மானம் மேற்கொள்ள முடியும் என்பதுடன், தொழில் ஆணையாளருக்கு அதிகாரத்தை வழங்க முடியும் என்பது உள்ளிட்ட சில ஏற்பாடுகள் கட்டளைச் சட்டத்தில் உள்ளன.

சம்பள நிர்ணய சபையின் பிரதிநிதி ஒருவர், தொடர்ச்சியாக மூன்று பேச்சுவார்த்தைகளில் பங்கேற்பதை தவிர்ப்பாராயின், அவரை நீக்குவதற்கும், புதிய பிரதிநிதியை நியமிப்பதற்கும் தொழில் அமைச்சருக்கு அதிகாரம் உள்ளது.

கம்பனிகளின் நிபந்தனை என்ன?

சம்பள நிர்ணயசபையால் தீர்மானிக்கப்பட்ட சம்பளத்தை வழங்குவதாயின், வாரத்தில் 3 நாட்கள் மாத்திரமே வேலை வழங்க முடியும் என்றும், நாளொன்றுக்கு 16 கிலோவிற்கும் குறைவாக கொழுந்து பறிக்கும் பெண்களுக்கு முழு நாளுக்கான சம்பளம் வழங்கப்பட மாட்டாது என்றும் கம்பனிகள் சம்பள நிர்ணய சபைக்கு எழுத்து மூலம் அறிவித்துள்ளதாக தெரிவிக்கப்பட்டுள்ளது. எனினும், இந்த நிபந்தனையை தொழிற்சங்கங்கள் நிராகரித்துள்ளதாகவும் தெரிவிக்கப்பட்டுள்ளது.

கொவிட்-19 பெருந்தொற்று சர்வதேச ரீதியில் கோரத்தாண்டவமாடி பல இலட்சக்கணக்கான உயிர்களை காவுகொண்டுள்ள நிலையில், உலகமே அச்சத்தில் உறைந்துபோய் இருக்கின்றது. ஆனால், தங்களது உயிரை துச்சமெனக்கருதி உலக மக்களின் உயிர்காக்கப் போராடும் முன்களப்பணியாளர்களாகிய சுகாதாரத் துறையினர் இல்லையென்றால், கொரோனா வைரஸ் இன்னும் எத்தனையோ இலட்சம் உயிர்களைக் காவுகொண்டிருக்கும். இவர்களே இன்றைய உலகில் மனித உயிர்களைக் காக்கும் போராட்டத்தின் வீரர்கள்.

கொரோனா வைரஸ் எதிர்த்து முன்களத்தில் நின்று போராடும் வைத்தியர்கள், தாதியர்கள் உள்ளிட்ட சுகாதாரத்துறையினரில், தாதியர்கள் மிகவும் முக்கியத்துவம் வாய்ந்தவர்கள். அவர்களின் சேவையும், அர்ப்பணிப்பும், போராட்டமும் அளப்பரியது. அவற்றை வார்த்தைகளால் வரையறைக்கு உட்படுத்திவிட முடியாது. தாதியர்கள் நாள்தோறும் போற்றப்பட வேண்டியவர்கள். அவர்களுக்கான உரிய தினம் இன்று. சர்வதேச தாதியர் (செவிலியர்) தினம். மே 12.

இன்றைய சர்வதேச தாதியர் தினத்தை முன்னிட்டு, கொழும்பு தேசிய வைத்தியசாலையில் பிரதான பயிற்றுவிப்பு அதிகாரி புஸ்பா ரம்யானி டி சொய்ஸா பல்வேறு தகவல்களை பகிர்ந்துகொண்டுள்ளார்.

உலக அளவில் 7 பில்லியனுக்கும் அதிகமான மக்கள் வாழ்கின்றனர். எனினும், அவர்களின் உயிர்களை பாதுகாக்க சேவையாற்றும் தாதியர்களின் எண்ணிக்கை 2 மில்லியன் ஆகும். அதேபோல் இலங்கையில் தற்போதுள்ள 21 மில்லியன் சனத்தொகைக்கு, சுமார் 42,000 எண்ணிக்கையிலான தாதியர்களே சேவை வழங்குகின்றனர். நோயாளர்களுக்கு சிறந்த சேவையை வழங்கி அவர்களின் உயிர்களை பாதுகாப்பதற்காக தாதியர்கள் பல்வேறு வகையில் அர்ப்பணிப்புக்களை செய்கின்றனர். உலகளவில் ஆயிரக்கணக்கான தாதியர்கள் உயிரிழந்துள்ளனர்.

இலங்கையில் கொவிட் தொற்றுக்குள்ளான தாதியர்கள்

இலங்கையில் இன்று வரையில் 243 தாதியர்கள் இலங்கையில் கொவிட்-19 தொற்றுக்கு உள்ளாகியுள்ளனர். அதேநேரம் ஆயிரக்கணக்கானோர் தனிமைப்படுத்தலில் உள்ளனர். எனினும், அவர்கள் தங்களின் சேவையை அர்ப்பணிப்புடன் தொடர்கின்றனர்.

2018 ஆம் ஆண்டு என்பது கொவிட் பரவலுக்கு முந்தைய ஆண்டாகும். இலங்கையில் 641 வைத்தியசாலைகள் இருந்தன. அத்துடன் 84,000 இற்கும் அதிகமான கட்டில்கள் இருந்தன. சிகிச்சைக்காக வைத்தியசாலைகளை நாடிய நோயாளர்களின் எண்ணிக்கை 57 மில்லியனுக்கும் அதிகமாக பதிவாகியது. எமது நாட்டின் சனத்தொகையுடன் ஒப்பிடும்போது நபரொருவர் ஐந்து, ஆறு தடவைகள் சிகிச்சைக்காக வந்திருக்கக்கூடும் என்பதே இதற்கான காரணமாகும். வேறு நோய் நிலைமைகள் ஒவ்வொரு நாளும் தலைதூக்கியமையால், மிகவும் சிக்கலான தன்மையிலேயே சுகாதாரத்துறை இருந்தது.

தாதியரின் கடமையும் அர்ப்பணிப்பும்

நோயாளர் சிகிச்சை அறையின் (வார்ட்) பொறுப்பு, அதன் முகாமைத்துவம், உபகரணங்களை நிர்ணயம் செய்தல், அவற்றை பகிர்ந்தளித்தல், வார்ட்களை முகாமைத்துவம் செய்யும்போது பொருட்களை உரிய இடங்களில் நிலைப்படுத்தல், நோயாளர்களுக்கு சிறந்த சேவையை வழங்குதல் உள்ளிட்ட அனைத்து செயல்பாடுகளுக்கும் தாதியர்கள் தலைமைத்துவம் வழங்குகின்றனர். ஏனெனில் அவர்கள் தான் வார்டின் முகாமைத்துவத்தையும், பொறுப்பையும் ஏற்க வேண்டும் என்பதனாலாகும்.

நோயாளர்களை குணப்படுத்துவதற்காக அனைத்து சுகாதார தரப்பினரையும் ஒன்றிணைத்து, அவர்களின் உயிரைக் காக்கும் செயற்பாடு தாதியின் கரங்களிலேயே இருக்கின்றது.

உதரணமாக, தாதி ஒருவர் காலையில் வார்ட்டுக்கு பணிக்கு சமுகமளிக்கும்போது, அனைத்து நோயாளர்ளையும் பொறுப்பேற்று, சத்திர சிகிச்சைக்காக தயார்படுத்தல், பரிசோதனைகளுக்கு தயார்படுத்தல் குருதியை பெறுதல், அவசியமான சிகிச்சைகளுக்காக நோயாளர்களை உரிய நிபுணத்துவ வைத்தியரிடம் அனுப்புதல், பரிசோதனைகளுக்கு அனுப்புதல், உணவு, குடிநீர் வழங்குதல், அவர்களுடைய இயற்கை தேவைகளை பூர்த்தி செய்தல் முதலான அனைத்தையும் உரிய முறையில் முகாமைத்துவம் செய்து, தரமான சேவை ஒன்றை வழங்குவதற்கு அவர் தமது முழுமையான பங்களிப்பை வழங்க வேண்டும்.

நோயாளர்களின் மனித உரிமைகளை பாதுகாத்து நாங்கள் இந்த பயணத்தை தொடரவேண்டும். இவை அனைத்தையும் விட முக்கியமானது மனிதாபிமானம் என்பதை நாங்கள் அனைவரும் தெரிந்திருப்பது முக்கியமானதாகும்.

21ஆம் நூற்றாண்டில் பயணிக்கும் நாங்கள் எங்களுடைய குறைபாடுகளை ஒருபோதும் நாங்கள் சமூகத்திற்கு கூறி இருக்கவில்லை. இது தொடர்பில் நாங்கள் குரலெழுப்பவில்லை. ஆனால் இம்முறை 'தாதியர்களின் தலைமத்துவ குரலை சமூகமயப்படுத்துவதற்கு, தாதிகள் தலைமைத்துவத்தின் குரலை உரிய தரப்பினருக்கு கொண்டு செல்லுங்கள்' என்பதே இந்த வருடத்திற்கான தொனிப்பொருளாகும். இதற்கு காரணம் சுகாதாரத் துறையின் முதுகெலும்பு தாதியை சேவையாகும். தாதியர் சேவை வீழ்ச்சி அடைந்தால் நோயாளிகளுக்கான சிறந்த சேவை என்பது கனவாகும்.

எனவே இதுபோன்ற ஒரு தோற்று நோய் பரவலுக்கு மத்தியில் அவசியமான பணியாளர்களை வழங்குதல், மனித வளங்களை வழங்குதல் சுகாதார துறையினரை பாதுகாத்தல் என்பன மிகவும் முக்கியமானவையாகும்.

தாதியர்களுக்கு பெரும் பற்றாக்குறை

ஆனால் தற்போது இருக்கின்ற தாதியர்களின் எண்ணிக்கை 42,000 ஆகும். நாளாந்தம் அதிகரிக்கும் கொவிட் பரவல் மட்டுமல்ல வேறு நோயாளர்களும் இதே எண்ணிக்கையில் வைத்தியசாலைகளில் அனுமதிக்கப்படுகின்றமை பலரும் அறியாத காரணமாகும். இவர்களின் பாதுகாப்புக்கு பொறுப்புக்கூற வேண்டியது சுகாதாரத் துறையின் முக்கிய பங்காளர்களாக தாதியர்கள் என்பதை மறந்து விடக்கூடாது. எனவே தற்போதைய நிலைமைக்கு ஏற்றவாறு தாதியர் பற்றாக்குறையை நிவர்த்தி செய்வதற்கு உரிய தரப்பினர் கவனம் செலுத்த வேண்டியது மிகவும் அவசியமானதாகும்.

ஏனெனில் அனர்த்தம் என்பது கூறிக்கொண்டு வருவதில்லை. அது மனிதர்கள் மூலமாகவோ அல்லது இயற்கையாகவோ ஏற்பட முடியும். அதேபோல, இது போன்ற தொற்று நோய் பரவல் ஏற்படும். இது எப்போது வரும், எப்போது முடிவடையும் என்பதை கூற முடியாது. தற்போதைய கொவிட் பரவல் அலையை பார்க்கும்போது சுகாதாரத் துறையினர் கூட நோய்வாய்ப்படும் நிலைமையும், அவர்கள் உயிர் பறிக்கப்படும் நிலைமையும் கூட ஏற்படலாம். எனவே, கட்டாயமாக சுகாதாரத் துறையில் குறிப்பாக தாதியர்கள் தேவைக்கு மேலதிகடமாக பணியாளர்களை வைத்திருப்பது மிக முக்கியமானதாகும். அவர்கள் திடீரென நோய்வாய்ப்பட்டால் இந்த சேவையை சிறப்பாக முன்னெடுத்துச் செல்வதற்கு உரிய தாதிகள் பணிக்குழாம் இருக்க வேண்டியது கட்டாயமானதாகும்.

தாதியர்களின் கோரிக்கைகளை அறிவீர்களா?

எனவே, சனத்தொகையின் அளவுக்கு ஏற்றவாறு தாதியர்கள் ஆட்சேர்ப்பு இருப்பது அவசியமாகும் என சம்பந்தப்பட்ட அதிகாரிகளிடம் நாம் கூறுகின்றோம். 2018 ஆம் ஆண்டு மேற்கொள்ளப்பட்ட மக்கள் தொகை கணக்கெடுப்பின் அடிப்படையில் ஒரு லட்சம் மக்கள் தொகைக்கு 212 அளவிலான தாதியர்களே இருந்தனர். இது மிகவும் குறைந்த எண்ணிக்கையாகும்

நோயாளர்களின் உயிர்களைப் பாதுகாத்தல், அவர்களை சுத்தமாக வைத்திருத்தல், அனைத்து சிகிச்சைகளுக்கும் ஏற்பாடுகளை மேற்கொள்ளல், நோயாளர் வார்டுக்கு வைத்தியரை அழைத்து சிகிச்சையை வழங்குதல், வைத்தியர் வரும்வரை பார்த்துக் கொண்டிருக்காமல் நோயாளரின் உயிரைக் காப்பதற்காக நடவடிக்கையை எடுத்தல் உள்ளிட்ட பல்வேறு விடயங்கள் தாதியர்களின் கரங்களிலேயே இருக்கின்றன என்பதை நீங்கள் அனைவரும் அறிந்து வைத்திருக்க வேண்டியது மிகவும் முக்கியமானதாகும்.

எனவே, வருடாந்தம் தாதியர்கள் பலப்படுத்தவும், அவர்களுக்கு கௌரவத்தை செலுத்தவும் இவ்வாறான தினம் முக்கியத்துவமிக்கதாய் அமைகின்றது.

வருடாந்தம் ஓய்வுபெறும் தாதியர்களின் எண்ணிக்கை

தாதியர் துறை சேவையின் நிலைத்தன்மையை பேணுவதற்கு சில விடயங்கள் தொடர்பில் அவதானம் செலுத்த வேண்டும். உடனடியாக தாதியர் பற்றாக்குறையை நிவர்த்திசெய் வேண்டும். இதற்காக நாங்கள் முன்வைக்கும் விடயம், வருடாந்தம் ஆட்சேர்க்கும் எண்ணிக்கையை உரிய அளவில் பேணுதலாகும். எனினும் இன்னும் பல வருடங்களுக்கு இந்த பற்றாக்குறையை நிவர்த்தி செய்ய முடியாது. ஏனெனில் வருடாந்தம் 1500 இற்கும் அதிகமானோர் ஓய்வு பெறுகின்றனர். அவ்வாறு ஓய்வு பெறுவோரின் எண்ணிக்கையை கட்டுப்படுத்த முடியுமாயின் தாதியர்களின் ஓய்வு பெறும் காலத்தை 63 வயது வரை நீடிப்பது இதற்கு ஒரு நிவாரணமாகும் என்பதை நாங்கள் அறிந்து கொள்ளுதல் முக்கியமானதாகும்.

இவ்வாறான காலப்பகுதியில் வசதிகளை ஏற்படுத்துவது என்பதற்கு அப்பால் மனித வளத்தை மேம்படுத்துவது தொடர்பில் எமது அவதானம் செலுத்தப்படாவிட்டால், ஒருநாளும் அதிதீவிர சிகிச்சைப்பிரிவில் சிகிச்சைகளை செயற்படுத்த முடியாது. ஏனெனில் அதிதீவிர சிகிச்சை பிரிவு என்பது முழுமையாக உயிரற்ற ஒரு உடலுக்கு உயிர் கொடுத்து, மீண்டும் வழமை நிலைக்கு கொண்டு வருவது என்பது மரணத்திலிருந்து உயிரை பாதுகாக்கும் செயல்முறையாகும். இந்த செயல்முறையின் போது தாதியர்களின் செயற்பாட்டை உரிய முறையில் முன்னெடுக்காவிட்டால் அவர்களின் உயிரை பாதுகாக்க முடியாது.

டிப்ளோமாவுடன் மட்டுப்படுத்தப்படும் தாதிய கல்வி

தாதியர்களாகிய எங்களுக்கு எந்த குறைபாடு அல்லது சிக்கல்கள் இருந்தாலும் நாங்கள் எங்களுடைய உயிரை அர்ப்பணிப்பு செய்யவேண்டிய நிலை ஏற்பட்டாலும் எங்களுக்கு நோய்வாய்பட வேண்டிய நிலைமை ஏற்பட்டாலும் நாங்கள் உயிர் துறக்க வேண்டிய ஏற்பட்டாலும் நிச்சயமாக நாங்கள் நோயாளரின் உயிரை காப்பாற்றுவதற்காக அர்ப்பணிப்புடன் செயற்படுவோம்.

தாதியதுறை அல்லது வைத்தியத் துறைக்கு இணையாக மேம்படுத்தப்பட வேண்டும் என்பதை உலக சுகாதார ஸ்தாபனம் சுட்டிக்காட்டுகின்றது. தாதிய சேவையானது தற்போது டிப்ளோமா வரையே இருக்கின்றது. எனினும், இது பட்டப்படிப்பு வரை மேம்படுத்தப்பட வேண்டும் என 1991 முதல் நாங்கள் போராடி வருகின்றோம். ஆனால் தற்போது 21 நூற்றாண்டு நூற்றாண்டுவரை அதை செயல்படுத்த முடியாத நிலை இருக்கின்றது. முழு உலகமும் தாதிய சேவையில் பட்டப்படிப்புக்கு அப்பால் அபிவிருத்தி அடைந்து இருக்கின்றது. இது மிகப்பெரிய அபிவிருத்தியாகும். நோயாளர்களை குணப்படுத்துவதற்கான மிக முக்கியமான புதிய தொழில்நுட்பம், விஞ்ஞானம் என்பவற்றின் அடிப்படையில் மிகவும் முக்கியமான விடயம் தான் கல்வியாகும். எனவேதான் தாதிகள் தொழில் துறையில் கல்வி மேம்படுத்தப்பட வேண்டும்.

 கொவிட்-19 பரவல் இவ்வாறாக இருக்கின்ற சந்தர்ப்பத்தில் ஏனைய நோய்கள் குறையவில்லை என்பதையும் நீங்கள் மறந்துவிடக் கூடாது. தொற்று நோய்கள், திடீர் விபத்துகள் என்ற பல நோய்கள் தொடர்பில் நோயாளர்கள் தொடர்ந்தும் அனுமதிக்கப்பட்டு கொண்டிருக்கின்றனர். இதுபோன்ற நிலைமைக்கு மத்தியிலேயே இந்த கொரோனா அலைக்கும் தாதியர்கள் முகம் கொடுக்கின்றனர்.

சமூகத்தின் பொறுப்பு என்ன?

நாட்டின் சமூகத்தினர் என்ற அடிப்படையில், நோய்த் தன்மைக்கு உட்படாதிருப்பதற்கான பொறுப்பு உங்களுக்கு இருக்கின்றது. சிறந்த வாழ்க்கை முறையை மேம்படுத்துவதற்கும் தாங்கள் நோயாளர்களை நோயாளர் ஆகாமல் இருப்பதற்கும், என்ன செய்யவேண்டும் என்பதை சிந்தித்து செயல்பட வேண்டும்.

உங்களுடைய ஒத்துழைப்பு சுகாதாரத்துறைக்கு அவசியமான நேரம் இதுவாகும். எனவே சுகாதாரத்துறையினருடன் இணைந்து, அவர்களுடைய செயற்பாடுகள் தொடர்பில் புரிந்துகொண்டு, நாங்கள் இருவரும் கைகோர்த்து செயல்பட்டால் தான் இந்த நிலைமைக்கு முகம் கொடுக்க முடியும். நாம் இருவரும் கைகோர்த்து இந்த பயணத்தை தொடர்வோம். நாங்கள் எங்களுடைய பொறுப்பை நூற்றுக்கு நூறு வீதம் நிறைவேற்றுவோம். அதே போன்று நீங்களும் உங்களுடைய பொறுப்பை நூற்றுக்கு நூறு வீதம் நிறைவேற்றுங்கள் என்று கோருகின்றேன் என கொழும்பு தேசிய வைத்தியசாலையில் பிரதான பயிற்றுவிப்பு அதிகாரி புஸ்பா ரம்யானி டி சொய்ஸா தெரிவித்துள்ளார்.

சர்வதேச தொழிலாளர் தினம் இன்றாகும். தொழிலாளர்களின் உரிமைகளை வென்றெடுத்த நாளாக, இன்று மே தினம் அனைத்துலக ரீதியாக கொண்டாடப்படுகின்றது.

வெளிநாட்டிலிருந்து கடன் பெற்று நாட்டின் கடன் சுமையை மேலும் அதிகரிப்பது பயன் உடையது அல்ல என தெரிவித்து ரயில்வே துறையின் பல்வேறு தொழிற்சங்கங்கள் ஒன்றிணைந்து அடையாள பணிப்புறக்கணிப்பு மேற்கொள்வதற்கு திட்டமிட்டிருந்ததாக ரயில் இயநதிர சாரதிகள் சங்கத்தின் தலைவர் இந்திக்க தொடங்கொட தெரிவித்தார்.

கர்ப்பிணியான நீங்களும், கருவிலுள்ள உங்கள் சிசுவும் ஆரோக்கியமாக இருப்பது மிக அவசியம். இதற்காக கொவிட் தொற்று பரவும் இக்காலத்தில் சுகாதாரப் பாதுகாப்பு வழிமுறைகளை உறுதியாக கடைப்பிடிப்பதும் , உரிய சுகாதார ஆலோசனைகள் மற்றும் சேவைகளைப் பெற்றுக் கொள்வதும் அவசியமாகும்.

இலங்கையில் தற்போது பரவும் கொரோனா வைரஸானது, பிரித்தானியாவில் பரவும் B.1.1.7 என்ற உரு திரிபடைந்த வைரஸ் என்பது கண்டறியப்பட்டுள்ளதாக தெரிவிக்கப்பட்டுள்ளது.

மனித வாழ்க்கையில் பல்வேறு மாற்றங்களை உண்டு பண்ணுவதில் கல்வி மகத்தானது பணியை ஆற்றி வருகின்றது. சகலரும் அறிவு மட்டத்தினை அவரவர் கற்றல் விருத்திக்கேற்ப ஏற்படுத்திக் கொள்வதற்கு துடுப்பாக காணப்படுகின்றது. கல்வியின் தார்ப்பரியம் பற்றி ஒவ்வொருவரும் அறிந்திருக்கு வேண்டிய அதேவேளை கல்விக்கான முக்கியத்துவத்தினையும் அதனை பெற்றுக்கொள்ளும் விதங்கள் அடிப்படையிலும், அவற்றை பயன்படுத்தும் விதத்திலும் வெளிப்படுத்தப்படுகின்றது எனலாம். இதனை அடிப்படையாகக் கொண்டு கல்வியானது சர்வதேசமட்டத்தில் வியாபித்த ஒரு கருப்பொருளாக காணப்படுவதோடு அதற்கான தினமாக ஜனவரி 24 ஆம் திகதி சர்வதேச கல்வித்தினமாக பிரகடனப்படுத்தப்பட்டுள்ளது. எனவே இவ்வாண்டுக்கான தொனிப்பொருள் ' கொவிட் -19 தலைமுறைக்கான கல்வியை மீட்டெடுத்து புத்துயிர் பெறுங்கள்' (‘Recover and Revitalize Education for the COVID-19 Generation’) என்பதாகும்.

ஒவ்வொரு தனிமனிதரும் வாழ்வில் முன்னேற்றமடைவதற்கு ஏதோவொன்றினை கற்பது கட்டாயமாக்கப்படுகின்றான். இதில் கல்வி பலதரப்பட்ட வகைப்பாடுகளை கொண்டு, புத்தகக்கல்வி, தொழிற்கல்வி, அனுபவக்கல்வி ஆன்மீகக் கல்வி, சர்வதேச ரீதியான கடப்பாடுகளை பின்பற்றுதல் என்பன உள்ளடங்குகின்றன. குறிப்பாக கல்வியின் உன்னதத்தன்மையினை விளங்கிக்கொள்ளும் வகையில் சர்வதேச மட்டத்தில் வியாபகப்படுத்துவதற்கு அதற்கான தினத்தினை யுனெஸ்கோ அமைப்பு பிரகடனப்படுத்தியுள்ளது.

கல்வியின் முக்கியத்துவம்

கல்வி (Education) என்பது குழந்தைகளை, உடல் மற்றும் மன வளர்ச்சியில் அறிவு, நல்லொழுக்கம் ஆகிய மதிப்புடன் வளர்க்க உதவும் ஒரு சமூக அமைப்பு ஆகும். கல்வியாளர்கள் கூற்றின்படி, இளையோர்களை முறையாக வழி நடத்துவதிலும், சமுதாயத்தில் பங்களிப்பு செய்ய வைப்பதிலும் கல்வி முக்கியப் பங்கு வகிக்கிறது. கல்வி என்பது ஒரு சமூக நிறுவனம். அறிவு, திறமை போன்றவற்றையும் தந்து ஒரு புதிய சமூகத்தை உருவாக்கி பண்பாடு, நடத்தை, போன்றவற்றையும் தந்து மனிதனை ஒரு முழுமையான ஆற்றல் உள்ள மனிதனாக மாற்றம் அடைய செய்கிறது. இது சமுதாய நுட்பத் தகைமை ஏற்படுத்துவதையும் கல்வி கற்றலையும், கற்பித்தலையும் குறிக்கும். இது திறன்கள், தொழில்கள், உயர்தொழில்கள் என்பவற்றோடு, மனம், நெறிமுறை, அழகியல் என்பவை சார்ந்த வளர்ச்சியையும் சமுதாய வளர்ச்சியில் பங்கு பெறச்செய்யும் அமைப்பு ஆகும்.

கற்றுக் கொடுக்கப்படுகின்ற கல்வி எதற்காக, கல்வியின் நோக்கம் என்ன என்பன பற்றிய கருத்துக்கள் பலவாக இருக்கின்றன. அறிவாற்றல், மன விடுதலை, பண்பாட்டு அடையாளம், வேலை வாய்ப்பு, வாழ்க்கையைச் சரியாக அமைத்துக் கொள்வது போன்றவை கல்வியின் நோக்கமாக இருக்க வேண்டும் என ஒரு சாரார் கருதுகின்றனர். மற்றும் சிலர், கல்வியின் நோக்கம் ஒருவரை சமுதாயத்தில் நல்ல குடிமகனாக ஆக்க வேண்டும்; அவர் சமுதாயத்தின் பொருளாதார வளர்ச்சிக்கும், பண்பாட்டு மேம்பாட்டுக்கும் பாடுபட உதவ வேண்டும் என்றும் கருதுகின்றனர்.

சிறந்த தொடர்பு என்பது கல்வியில் மற்றொரு பங்கு. கல்வி ஒரு நபரின் பேச்சை மேம்படுத்துகிறது மற்றும் செம்மைப்படுத்துகிறது. தனிநபர்கள் கல்வியுடன் தொடர்பு கொள்வதற்கான பிற வழிகளையும் மேம்படுத்துகின்றனர். மேலும், கல்வி ஒரு நபரை தொழில்நுட்பத்தின் சிறந்த பயனராக ஆக்குகிறது. கல்வியின் உதவியுடன் மக்கள் மிகவும் முதிர்ச்சியடையவதோடு, அவை படித்தவர்களின் வாழ்க்கையில் நுழைகிறது. எல்லாவற்றிற்கும் மேலாக, கல்வி தனிநபர்களுக்கு ஒழுக்கத்தின் மதிப்பைக் கற்பிக்கிறது. படித்தவர்களும் நேரத்தின் மதிப்பை அதிகம் உணர்கிறார்கள். இதனால் படித்தவர்களுக்கு நேரம் என்பது பணத்திற்கு சமம் என்ற கருத்தும் முன்வைக்கப்படுகின்றது.

குறிப்பாக, கல்வி எனும்போது பாடசாலை, மாணவர்கள், கற்றல் அடைவு மட்டம் என்ற விடயமானது பொதுவாக ஏற்றுக்கொள்ளப்பட்ட விடயங்களாகும். இவை தனிமனிதர் அடிப்படையிலும் நாடுகள் அடிப்படையிலும் மாறுபட்டு காணப்படுகின்றது. குறிப்பாக இலங்கையை பொறுத்தவரை 1948ஆம் ஆண்டு தொடங்கி இலங்கையில் இலவசக் கல்வி வழங்கப்பட்டு இன்றுவரை அதன் பலனை பலர் அனுபவித்து வருகின்றனர். பாடசாலை தொடங்கி பல்கலைக்கழகம் வரை சகல கல்வி நடவடிக்கைகளும் மாணவர்களுக்கு இலவசமாக வழங்கப்படுகின்றமை அவர்கள் அதனை உணர்ந்து சிறப்பான விளைவுகளை தருகின்றனரா என்பது சிந்திக்க வேண்டிய விடயமாகும்.

கல்வி தொடர்பான புதிய மாற்றங்களை உள்வாங்குவதில் தயக்கம்

இலங்கையை பொறுத்தவரையில் கல்வியின் அவசியத்தை உணர வேண்டிய கட்டாயத்தில் தற்காலம் நகர்ந்து செல்கின்றது. குறிப்பாக பல்வேறு ஆட்சிமாற்றங்கள், கல்விக் கொள்கைகளின் வருகை, தொழில்நுட்பவியல் மாற்றம் என்பன இதில் செல்வாக்கு செலுத்தி வருகின்றன. மாணவர்கள் இவ்வாறான விடயங்களை உள்வாங்குவதில் பின்னடைவை எதிர்கொள்கின்றமை ஆய்வின் மூலம் கண்டறியப்பட்டுள்ளது. இலங்கையை பொறுத்தவரை அபிவிருத்தி அடைந்துவரும் நாடாக இருக்கின்றமையால் கல்வி தொடர்பான புதிய மாற்றங்களை உள்வாங்குவதில் தயக்கம் காட்டுகின்றது. குறிப்பாக, புதிய ஆட்சி மாற்றங்களின் போது பல்வேறு திட்டங்கள் அமுல்படுத்துகின்றபோதும் அதனை முழுமைப்படுத்துவதில் தாமதம் ஏற்படுவதோடு, இடைநடுவே கைவிடப்படுகின்ற நிலையும் ஏற்படுகின்றன. (உ-ம்) ஆயிரம் பாடசாலை திட்டம், அருகிலுள்ள பாடசாலை சிறந்த பாடசாலை, சுரக்ஷா திட்டம் என்பன இவற்றில் சிலவாகும்.

சர்வதேச மட்டத்திலான புதிய விடயங்களை உள்வாங்குவதற்கு இலங்கை முன்வரவேண்டும். இதில் தனியார் மற்றும் அரச நிறுவனங்கள் பங்களிப்பினை வழங்குதல் வேண்டும். எனினும் தனியார் கல்விக்கு ஊக்குவிப்பு வழங்காமல் இலவசக் கல்விக்கு ஊக்குவிப்புக்களை வழங்குவது அவசியமானதாக காணப்படுகின்றது. அண்மைக் காலங்களில் கொரோனாவினால் நாட்டின் கல்வி நிலைமைகள் பாரிய பின்னடைவினை சந்திக்க வேண்டிய நிலைக்கு தள்ளப்பட்டுள்ளது. இதில் மாணவர்கள், ஆசிரியர்கள், கல்விநிலை சார்ந்த தரப்புக்கள் பல சிக்கல்களை சந்தித்து வருகின்றனர். அதாவது 2020ஆம் ஆண்டில் மாத்திரம் 30,000 பாடசாலை மாணவர்கள் இடைவிலகியுள்ளமை குறிப்பிடத்தக்கது.

கொரோனா பெருந்தொற்றும் - இணையவழி கற்றலும்

கல்வி என்பது மாணவர் சமுதாயத்திற்கும் ஒட்டுமொத்த உலக சமூகத்திற்கும் இன்றியமையாத ஒரு விடயமாகும். மாணவர்கள் காலம் காலமாக தமது கல்வி நடவடிக்கைகளை நேரடியானதொரு கற்றல் வழிமுறையின் ஊடாகவே மேற்கொண்டு வந்துள்ளனர். இந்த வழிமுறையானது மாணவர்களுக்கு கல்வி தொடர்பான சரியான புரிதலையும் விளக்கத்தையும் வழங்கியிருந்தது. எனினும் தற்போதைய சூழலில் கொவிட்-19 வைரஸ் தாக்கத்திலிருந்து மாணவர்களை பாதுகாக்கும் பொருட்டு கல்வி நிலையங்கள் மூடப்பட்டு பாடசாலை, பல்கலைக்கழகங்கள் தமது கல்வி நடவடிக்கைகளை ஒன்லைன் (ழுடெiநெ) இணைய வழி மூலமாக முன்னெடுத்து வருகின்றன.

மேலைத்தேய நாடுகளில் அறிமுகப்படுத்தப்பட்ட கல்வி முறையானது இன்று இலங்கையிலும் கால் பதித்துள்ளது. இதனுடைய பிரதான நோக்கமாக அசாதாரண சூழ்நிலையால் பாதிக்கப்பட்ட இலங்கை மாணவர்களின் குறித்த ஆண்டு அல்லது பருவத்திற்கான பாடத் திட்டங்களை பூர்த்தி செய்து அவர்களின் கல்வி நிலையில் பாதிப்பு ஏற்படாமல் தடுத்து சீரான கல்வியினை வழங்குவதாகும். இலங்கையைப் பொருத்தமட்டில் பல்கலைக்கழகங்கள் உயர்கல்வி நிறுவனங்கள் இக்கல்வி முறையை துரிதமாக முன்னெடுத்து வருகின்றன.

மாணவ சமுதாயத்திற்கு பாரிய சவால்

ஏனைய நாடுகளில் மாணவர்களுக்கு இக்கல்வி முறையானது வெற்றி அளித்திருந்தாலும் இலங்கையைப் பொருத்தமட்டில் மாணவ சமுதாயத்திற்கு பாரிய சவாலாகவே இணையக் கல்வி பார்க்கப்படுகின்றது. இதுவரை காலமும் இலங்கை மாணவர்கள் இக்கல்வி முறை தொடர்பான அறிவினையோ, தேவைப்பாட்டினையோ கொண்டிருக்கவில்லை திடீரென அறிமுகம் செய்யப்பட்ட கல்வி முறையால் அதனை எவ்வாறு பெற்றுக்கொள்வது, கலந்து கொள்வது, தொழில்நுட்ப சாதனங்களை எவ்வாறு பயன்படுத்துவது என்பது தொடர்பில் இன்றுவரை மாணவர்கள் பல சிக்கல்களுக்கும் சவால்களுக்கும் முகம் கொடுத்து வருகின்றனர்.

பாடசாலை கல்வியை நம்பி இருந்த மாணவர் சமூகம் இன்று தனியார் வகுப்புக்களையும் இணைய வழிக்கல்வியின் மோகத்தாலும் பல்வேறு பிரச்சினைகளை சந்தித்து வருகின்றனர். இதில் பொருளாதார பிரச்சினைகள், கல்வியை இடைநடுவில் கைவிடல், முறையற்ற பழக்க வழக்கங்கள், மாணவர்களின் ஒழுக்க விழுமியங்கள் பாதிக்கப்படல் போன்றன இடம்பெறுகின்றன. கல்வியானது அறிவு, திறன், மனப்பாங்கு, ஆளுமை அடிப்படையில் விருத்தியடையச் செய்யக்கூடிய ஒன்றாக இருக்கின்ற அதேவேளை அதனை முறையற்ற விதத்தில் அணுகுவது பல பிரச்சினைகளுக்கு காரணமாக அமைகின்றது.

எனவே உலக நாடுகளை பொறுத்தமட்டில் கல்வியானது சகலவற்றுக்கும் அடிப்படையாக காணப்படுகின்றது. வெறுமனே நூல் கல்விக்கு மாத்திரம் முக்கியத்துவமளிக்காமல் செயன்முறைக்கல்வி, தொழில்நுட்ப கல்வி என்பனவற்றிற்கு சிறப்பான இடம் அளிக்கப்படுகின்றது. ஜப்பான், சீனா, அமெரிக்கா, சிங்கப்பூர் போன்ற நாடுகளில் தொழிற்கல்வி முறைக்கு கூடிய கவனமளிக்கப்படுகின்றது.

ஒரு நாட்டின் அபிவிருத்தி சிறந்த கல்வி முறையில் தங்கியுள்ளது

மேலும், பின்லாந்து உலகில் சிறந்த கல்வி முறையில் இருப்பதாகவும் கல்வித்துறையில் உலகில் முதலாம் இடத்தைப் பெற்றுள்ள நாடாகவும் பெயரிடப்பட்டுள்ளது. 'பொருளாதார ஒத்துழைப்பு மற்றும் மேம்பாட்டுக்கான அமைப்பு' (ழுஊநுனு) மாணவர்களின் கல்வித்திறன் குறித்து ஆய்வினை மேற்கொண்டபோது பெறப்பட்ட முடிவாக பின்லாந்து நாடு கல்வியில் முதலிடத்தில் காணப்படுகின்றது. இதில் உலகின் முன்னணி நாடுகள் பின் வரிசையில் காணப்படுகின்றது. உலகில் மிகப் பெரிய பொருளாதார, இராணுவ வல்லரசான ஐக்கிய அமெரிக்காகூட பின்லாந்தின் கல்வி முறையிலிருந்து கற்றுக்கொள்ள வேண்டிய பாடங்கள் குறித்து ஆராய்ந்து வருகின்றது.

ஒரு நாட்டின் அபிவிருத்தி அந்நாட்டின் சிறந்த கல்வி முறையில் காணப்படுகின்றது என பின்லாந்து உலகிற்கு பறைசாற்றுகின்றது. எனவே உலக நாடுகளின் கல்வித்தரங்கள் நாளுக்கு நாள் மாற்றம் பெற்று விருத்தியடைந்து வருகின்றது. அதனை அடிப்படையாகக் கொண்டு புதிய கல்வி திட்டங்கள் இலங்கையிலும் நாடளாவிய ரீதியில் முன்னெடுக்கப்பட வேண்டும்.

கல்வியினால் ஒரு நாட்டின் பொருளாதார நிலையில் மாற்றம் ஏற்படுகின்றது. அது போலவே, பொருளாதார நிலையும் கல்வியின் தரத்தைக் கட்டுப்படுத்துகின்றது. அனைவருக்கும் தரமான கல்வி அளித்தால், அது நல்ல பொருளாதார வளர்ச்சியை உருவாக்கும் என்று கூறப்படுகின்றது. ஏழை நாடுகள் கல்வியின் மீது கவனம் செலுத்தினால், பொருளாதாரத்தில் விரைவில் மேம்பாடு அடையலாம்; எவ்வாறு எனில், முன்னேறிய நாடுகளில் கிடைக்கும் கல்வி அறிவு, தொழில் நுட்பங்கள் ஆகியனவற்றை இறக்குமதி செய்து, முன்னேற்றுத்துக்குப் பயன்படுத்திக் கொள்ளலாம். ஆனால், இது எளிதான காரியம் அல்ல என்பது பிறகு தெரிய வந்தது. நல்ல கல்விக்கும், தொழில்நுட்ப அறிவைப் பயன்படுத்துவதற்கும் நல்ல திறமையுள்ள மனித வளமும், அதை ஊக்குவிக்கும் பொருளாதார நிறுவனங்களும் வேண்டும். இவற்றின் ஊடாக பாராபட்சமற்ற பணிகளை முன்னெடுப்பதற்கு நடவடிக்கை எடுக்க வேண்டும்.

பழைய கல்வி முறைகளை மாற்றி, புதுக்கல்வி கொள்கை

தொழில்நுட்பத்திற்கு ஏற்ப உலகம் மிக வேகமாக மாறி வருகின்றது. அதனால், நம் பழைய அறிவு புதிய காலத்திற்குப் பயனற்றதாகப் போய் விடுகின்றது. பல்வேறு நாடுகள் பழைய கல்வி முறைகளை மாற்றி, புதுக்கல்வி கொள்கைகளை வகுத்து கொள்கின்றன. மேலும், கல்வி என்பது இளைஞர்களுக்கு மட்டுமல்ல, பெரியவர்களுக்கும் ஆனது என்ற கருத்து வலுப்பெற்று வருகின்றது. இதனூடாக கல்வியின் உன்னத்தன்மையினை உணர்ந்து சிறந்த சமூகத்தினை கட்டியெழுப்புவதற்கு அனைத்து தரப்பினரும் வாழ்நாள் நீடித்த வகையில் கல்வியினை தொடர்ந்து முன்னெடுப்பது தனிமனித ரீதியிலும், சமூகம் ரீதியிலும் பல புத்தாக்கங்களை கொண்டுவருவதோடு சிறந்த அபிவிருத்தியை பெற்றுக்கொள்வதற்கும் வாய்ப்பாக அமைகின்றது.

- சி.அருள்நேசன்
கல்வியல் சிறப்பு கற்கை
கிழக்குப் பல்கலைக்கழகம்

கொவிட்-19 உலகப் பரவல் தொற்று நோயானது,  இலங்கையின் அரச மற்றும் தனியார் துறை செயற்பாடுகளில் பல்வேறு விதமான தாக்கங்களை ஏற்படுத்தி வருகின்றது.

'பெண்களுக்கு சவால்விடுக்கும், தடைகளை ஏற்படுத்தும், அவர்களை துன்புறுத்தும் ஆண்களை தெளிவுபடுத்தினால் போதும். ஒருபோதும் பெண்களை புதிதாக தெளிவுபடுத்த, பலப்படுத்த அவசியம் இருக்காது என நான் நினைக்கின்றேன்.'

நாட்டிற்கு புதிய அரசியல் யாப்பு ஒன்றினை அறிமுகப்படுத்தும் முயற்சியில் இன்றைய அரசாங்கம் அரசியல் யாப்பு நிபுணர்கள் குழுவொன்றினை நியமித்துள்ளதுடன்