இலங்கை மின்சாரசபை ஊழியர்களின் சம்பளம் 25 வீதத்தால் அதிகரிக்கப்படவுள்ளது.
All Stories
நாட்டின் அனைத்து மாகாண சபை வைத்தியசாலைகளிலும் இன்று காலை 8 மணி முதல் 4 மணிநேர தொழிற்சங்க போராட்டம் முன்னெடுக்கப்பதாக அகில இலங்கை சுகாதார சேவையாளர்கள் சங்கம் தெரிவித்துள்ளது.
தலவாக்கலை - வட்டகொடை தோட்டத்தில் ஜூன் 12ஆம் திகதியன்று கள உத்தியோகத்தர் ஒருவருக்கு தொழிலாளி ஒருவர் தாக்குதல் நடாத்தியதன் விளைவாக தோட்டத்தில் பணிபுரியும் உத்தியோகத்தர்களும், தோட்ட சேவையாளர் சங்கத்தின் உறுப்பினர்களும் எதிர்ப்பில் ஈடுப்பட்டனர்.
கொரோனா வைரஸ் பரவலை கட்டுப்படுத்துவதற்கு தற்போது அமுலாக்கப்பட்டுள்ள நடமாட்ட கட்டுப்பாட்டை , ஜூன் மாதம் 14ஆம் திகதி முதல் தொடர்ச்சியாக மேலும் இரண்டு வாரங்களுக்கு நடைமுறைப்படுத்தப்பட வேண்டும் என அரச மருத்துவ அதிகாரிகள் சங்கம் தெரிவித்துள்ளது.
சுகாதார தரப்புக்கு ஒத்துழைப்பு வழங்குமாறும், இறுக்கமான சுகாதார நடைமுறைகளை பின்பற்றமாறும் கிளிநொச்சி ஆடைத் தொழிற்சாலை நிர்வாகத்திற்கு மன்று இன்று (15) கட்டளை பிறப்பித்துள்ளது.
அனைத்து பட்டதாரிகளுக்கும் உடனடியாக தொழில்வாய்ப்பை வழங்குமாறு வலியுறுத்தி, ஒருவார இணையத்தள எதிர்ப்பு போராட்டம் பட்டதாரிகளுக்கு உடன் தொழில் வழங்குக – ஒருவார இணைய எதிர்ப்பு ஒன்று முன்னெடுக்கப்படுகிறது.
அனைத்து சுதந்திர வர்த்தக வலய பணியாளர்களுக்கும் ஜூலை மாதம் முதல் வாரத்தில் முதலாவது கொவிட்-19 தடுப்பூசி ஏற்றம் இடம்பெறும் என இளைஞர் மற்றும் விளையாட்டு துறை அமைச்சர் நாமல் ராஜபக்ஷ தெரிவித்துள்ளார்.
வைத்திய துறையினருக்கு மாத்திரம் கொடுப்பனவு அதிகரித்ததன் காரணமாக ஏற்பட்டுள்ள பிரச்சனைக்கு தீர்வு காண்பதற்காக, கொவிட்-19 கட்டுப்பாட்டு பணியில் ஈடுபட்டுள்ள சுகாதாரத் துறையின் ஏனைய பணிக்குழாமினருக்கும் மேலதிக கொடுப்பனவாக 7,500 ரூபாய் வழங்குவதற்கு அமைச்சரவை தீர்மானித்துள்ளது.
கிளிநொச்சி மாவட்டத்தில் செயற்படும் இரண்டு ஆடைத் தொழிற்சாலைகளையும் தற்காலிகமாக மூடுவதற்கு ஆடைத் தொழிற்சாலைகளின் உரிமையாளர்கள் இணக்கம் தெரிவித்துள்ளனர் என்று கரைச்சி பிரதேச சபை தவிசாளர் வேழமாலிகிதன் தெரிவித்துள்ளார்.
கொவிட்-19 தொற்று காரணமாக மூடப்பட்டுள்ள பாடசாலைகளை மீண்டும் திறக்கும் போது பிள்ளைகளின் நோய்கள் மற்றும் பிரச்சினைகளை கண்டறிய குழந்தை நல மருத்துவர்களின் உதவியை பெறுமாறு பிரதமர் மஹிந்த ராஜபக்ஷ, கல்வி அதிகாரிகளுக்கு ஆலோசனை வழங்கினார்.
பெருந்தோட்டத் தொழிலாளர்கள் எதிர்நோக்குகின்ற பிரச்சினைகளுக்கு தீர்வுகாண, கலந்துரையாடல் நடத்துவதற்கு காலம் ஒன்றை வழங்குமாறு தோட்டத் தொழிலாளர் மத்திய நிலையம், தொழில் ஆணையாளரிடம் கோரியுள்ளது.
இதுகுறித்து தோட்டத் தொழிலாளர் மத்திய நிலையம் கடந்த 10ஆம் திகதி தொழில் ஆணையாளருக்கு கடிதம் ஒன்றை அனுப்பி வைத்துள்ளது.
அந்தக் கடிதம் கீழே,
சிறுவர்களை வேலையில் அமர்த்துவதற்கான வயது 16 ஆக அதிகரிக்கப்பட்டுள்ளது என்று தேசிய சிறுவர் பாதுகாப்பு அதிகாரசபையின் தலைவர் பேராசிரியர் முதித வித்யாபத்திரன தெரிவித்துள்ளார்.
இதுவரை 14 ஆக இருந்த வயதெல்லையே தற்போது 16 ஆக அதிகரிக்கப்பட்டுள்ளது.
16-18 வயதுக்குட்பட்ட சிறுவர்களின் வாழ்க்கை, சுகாதாரம், கல்வி, ஒழுக்க வளர்ச்சிக்கு பாதிப்பு ஏற்படாத வகையான தொழில்களில் மாத்திரம் ஈடுபடுத்த முடியும் என்று அதிகாரசபையின் பணிப்பாளர் சுட்டிக்காட்டியுள்ளார்.
அவர்களை பாதுகாப்பற்ற, இரவு பணிகளில் ஈடுபடுத்த முடியாது. அதேபோல் பிள்ளைகளை யாசகத்திற்கு பயன்படுத்தும் பெற்றோர்கள், பாதுகாவலர்களுக்கு எதிராக குற்றவியல் சட்டம் 228 சரத்தின் கீழ் 5 வருட சிறைத்தண்டனை வழங்க முடியும். பிள்ளைகளை வீதியோர வியாபாரங்களில் ஈடுபடுத்துதல், சர்க்கஸ் உட்பட பொழுதுபோக்கு விடயங்களுக்கு பயன்படுத்தி பணம் சம்பாதித்தல், பிள்ளைகளூடாக போதைபொருள் மற்றும் மது விற்பனை மேற்கொள்ளல், விபசாரத்திற்கு பயன்படுத்தல் போன்ற குற்றங்கள் சட்டப்படி குற்றம் என்றும் பணிப்பாளர் சுட்டிக்காட்டியுள்ளார்.
மேலும் சைபர் தொழில்நுட்பத்தினூடாக பிள்ளைகளை விற்பனை விடயங்களுக்கு பயன்படுத்துதலும் குற்றமாகும்.
எந்தவொரு இடத்திலும் 16 வயதுக்கு குறைந்த குழந்தை தொழிலாளர்கள் பணியாற்றுவதை கண்டால் அல்லது 16- 18 வயதுக்குட்பட்ட சிறுவர்கள் அபாயகரமான, பாதுகாப்பற்ற பணிகளில் ஈடுபடுத்துவதை கண்டால் அல்லது கேள்விப்பட்டால் உடனடியாக தேசிய சிறுவர் அதிகாரசபையின் 1929 என்ற உடனடி இலக்கத்திற்கு அல்லது 1929 சிறுவர் பாதுகாப்பு செயலிக்கு தெரியப்படுத்துமாறும் அதிகாரசபை பொது மக்களிடம் கோரிக்கை விடுத்துள்ளது.
''சிறுவர் தொழிலாளர்களுக்கு மட்டுமின்றி, சிறுவர்களுக்கு நிகழும் அனைத்து துஷ்பிரயோகங்கள் மற்றும் குற்றங்களை தடுக்க அதற்கு எதிராக குரல்கொடுக்க ஒருபோதும் தயங்க வேண்டாம் என இலங்கையின் அன்பான மக்களிடம் நான் தயவுடன் கேட்டுக்கொள்கிறேன்.'' - என்று பிரதமர் மஹிந்த ராஜபக்ஷ தெரிவித்துள்ளார்.
உழைக்கும் வர்க்கத்திற்காக இணையதளம்
