ஆசிரியர்களாக பணியாற்றிய வௌிநாட்டவர்களில் 54 சதவீதமானவர்கள் குவைத்துக்கு வௌியே சிக்கியுள்ளனர். அவர்களில் வதிவிட அனுமதி காலாவதியானவர்கள் மறுபடி வரத்தேவையில்லை என குவைத் கல்வியமைச்சு வௌியிட்டுள்ள அறிக்கையில் குறிப்பிடப்பட்டுள்ளது.
இவ்வாறு நீக்கப்பட்டவர்களில் பெரும்பாலானவர்கள் இஸ்லாம் கல்வி, சித்திரம், கணனி விஞ்ஞானம் மற்றும் இசை ஆகிய பாடங்களை கற்பிப்பவர்களாவர்.
வெளிநாட்டில் சிக்கியுள்ள 693 ஆசிரியர்களில், 321 பேர் நாட்டுக்கு திரும்பி வருவது அவசியம். எனவே அவர்களுக்கு வதிவிட அனுமதி வழங்கப்படும். அறிவியல் அடிப்படையிலான சிறப்பு (உயிரியல் மற்றும் வேதியியல் போன்றவை) முதல் மொழி ஆசிரியர்கள் (முக்கியமாக ஆங்கிலம் மற்றும் பிரஞ்சு) ஆகிய பாட ஆசிரியர்கள் தேவையாக உள்ளனர் என்று அந்நாட்டு கல்வியமைச்சு தெரிவித்துள்ளது.
அரச பாடசாலைகளில் கற்பிக்கின்ற, அந்நாட்டு கல்வியமைச்சினால் உள்வாங்கப்பட்ட ஆசிரியர்கள் தொடர்பிலேயே இவ்வறிவித்தல் வௌிவந்துள்ளது.
கொரோனா பரவலையடுத்து அமுல்படுத்தப்பட்ட போக்குவரத்து தடைகள் மற்றும் முடக்கல் நிலை காரணமாக குவைத்துக்கு வௌியில் சென்ற 693 ஆசிரியர்கள் மீள திரும்ப முடியாது இருந்து வருகின்றனர்
குவைத் பிரஜைகள் அல்லாத ஆசிரியர்கள் மீள நாடு திரும்புவதை கல்வியமைச்சு விரும்புகிறது என அரச சிரேஷ்ட உயரதிகரிகள் உள்நாட்டு செய்தி நிறுவனமாக அல் அன்பாவிடம் தெரிவித்துள்ளதுடன் அவர்கள் மீள நாடு திரும்புவதற்கான நுழைவு விசாக்களை வழங்குவது சிறந்த சட்ட அணுகுமுறை என்றும் சுட்டிக்காட்டியிருந்தது. எனவே குறித்த புதிய விசாக்கள் கல்வியமைச்சுக்கு மிக அவசியமான சேவையை வழங்கும் ஆசிரியர்களுக்கு வழங்கப்படும் என்று எதிர்பார்க்கப்படுகிறது
இரண்டு வாரங்களுக்கு முன்பு, அரசாங்கத்தின் மூத்த வட்டாரம் அல் அன்பாவிடம், குவைத் அல்லாத ஆசிரியர்கள் திரும்புவதை கல்வி அமைச்சகம் ஆதரிக்கிறது என்று கூறினார். வெளிநாட்டில் சிக்கியுள்ள ஆசிரியர்களுக்கு புதிய நுழைவு விசாக்களை வழங்குவது சிறந்த சட்ட அணுகுமுறை என்று அந்த வட்டாரம் தெரிவித்துள்ளது. இவ்வாறு கூறப்படுவதால், புதிய விசாக்கள் முக்கியமாக அமைச்சு தேவைப்படும் சிறப்பு ஆசிரியர்களுக்கு வழங்கப்படும்.
