Image

டெஸ்லா ஊழியர்கள் குறைந்தது 40 மணி நேரம் அலுவலகங்களில் பணியாற்ற வேண்டும் - டெஸ்லா நிறுவன நிறைவேற்று அதிகாரி

டெஸ்லா ஊழியர்கள் குறைந்தது 40 மணி நேரம் அலுவலகங்களில் பணியாற்ற வேண்டும்  - டெஸ்லா நிறுவன நிறைவேற்று அதிகாரி

 ஊழியர்கள் அனைவரும் உடனடியாக அலுவலகத்திற்கு வரவேண்டும் என்றும் அவ்வாறு வராவிடின் பணியை விட்டு நீங்குமாறும் பிரபல  வாகன தயாரிப்பு நிறுவனமான டெஸ்லாவின் பிரதான நிறைவேற்று அதிகாரி எலொன் மஸ்க் அனைத்து ஊழியர்களுக்கும் மின்னஞ்சல் அனுப்பியுள்ளார் என்று ரொய்டர்ஸ் செய்தி நிறுவனம் செய்தி வௌியிட்டுள்ளது.

வாராந்தம் 40 மணி நேரம் அலுவலகத்தில் செலவிடுவது அவசியம் என்றும் கடந்த செவ்வாய்கிழமை (31) அனுப்பப்பட்ட மின்னஞ்சலில் அவர் குறிப்பிட்டுள்ளார்.

அவ்வாறு அலுவலகத்திற்கு சமூகமளிக்காதவர்கள் வேலையை விட்டு நீங்கியவர்களாக கருதப்படுவார்கள். நீங்கள் எவ்வளவு சிரேஷ்ட ஊழியர்களாக இருக்கிறீர்களோ அந்தளவுக்கு உங்கள் இருப்பு அலுவலகங்களில் இருப்பது அவசியம். அதனால்தான் நான் தொழிற்சாலையில் அதிகமாக பிரசன்னமாகிறேன். அதனூடாக வரிசையில் உள்ளவர்களுடன் , அதனால் வரிசையில் இருப்பவர்கள் நான் அவர்களுடன் சேர்ந்து வேலை செய்வதைப் பார்க்க முடியும். நான் அதைச் செய்யவில்லை என்றால், டெஸ்லா நீண்ட காலத்திற்கு முன்பே திவாலாகி இருக்கும்.

ரொய்ட்டர்ஸ் மதிப்பாய்வு செய்த மின்னஞ்சலின் நம்பகத்தன்மையை இரண்டு ஆதாரங்கள் உறுதிப்படுத்தின. இவ்விடயம் தொடர்பில் டெஸ்லா எவ்வித கருத்தும் வௌியிடவில்லை.

 கலிபோர்னியாவில் உள்ள சில தொழில்நுட்ப நிறுவனங்கள் பல கொவிட் பரவலில் இருந்து ஊழியர்களை பாதுகாக்கும் நோக்கில் முழுநேரம் அலுலவகத்தில் இருப்பது அவசியமில்லை என்று அறிவித்துள்ளமை குறிப்பிடத்தக்கது.

 மஸ்க்கின் ட்விட்டர் பின்தொடர்பவர்களில் ஒருவர் மற்றொரு மின்னஞ்சலை வெளியிட்டார், அது மஸ்க் நிர்வாகிகள் வாரத்திற்கு குறைந்தது 40 மணிநேரம் பணியாற்ற வேண்டும் அல்லது டெஸ்லாவை விட்டு வெளியேற வேண்டும் என்று குறிப்பிடப்பட்டுள்ளது.

இந்த ட்வீட்டுக்கு பதிலளிக்கும் விதமாக, 44 பில்லியன் டொலர் ஒப்பந்தத்தில் ட்விட்டர் இன்க் நிறுவனத்தை தனிப்பட்ட முறையில் எடுக்க ஒப்புக்கொண்ட கோடீஸ்வரர், "அவர்கள் வேறு எங்காவது வேலை செய்வது போல் நடிக்க வேண்டும்" என்று கூறியுள்ளமை குறிப்பிடத்தக்கது.

Author’s Posts

உழைக்கும் வர்க்கத்திற்காக இணையதளம்

Image