புகையிரத திணைக்களத்தின் நிலைய பொறுப்பதிகாரி தரம் 111 பதவிக்கு ஆட்சேர்ப்புக்கான போட்டிப்பரீட்சைக்கு விண்ணப்பங்களை அனுப்பவேண்டிய இறுதித் திகதி நீடிக்கப்பட்டுள்ளதாக திணைக்களம் அறிவித்துள்ளது.
அதற்கமைய, விண்ணப்பங்களை அனுப்பவேண்டிய இறுதித் திகதி எதிர்வரும் மார்ச் மாதம் 5ம் திகதி வரை நீடிக்கப்பட்டுள்ளது.
நாட்டில் நிலவிவரும் கொரோனா தொற்று பரவல் நிலையை கருத்திற்கொண்டு இறுதித்திகதி நீடிக்கப்பட்டுள்ளதாக திணைக்களம் சுட்டிக்காட்டியுள்ளது.
கடந்த ஆண்டு ஜூலை மாதம் 31ம் திகதி வௌியான வர்த்தமானியில் இவ்விண்ணங்கோரல் தொடர்பான விபரங்கள் வௌியாகியிருந்தன.
விண்ணப்பங்களை 'பரீட்சை ஆணையாளர் நாயகம், இலங்கை பரீட்சைத் திணைக்களம் (திட்டமிடல்- நிறுவனம் மற்றும் வௌிநாட்டுப் பரீட்சைகள் பிரிவு), தபெ இலக்கம் 1503, கொழும்பு என்ற முகவரிக்கு அனுப்பி வைக்க முடியும்.
