பொருளாதார நீதிக்காக 35,000 ரூபா கொடுப்பனவை வழங்கக் கோரி தொடர்ச்சியான தொழிற்சங்க நடவடிக்கைகளில் ஈடுபடவுள்ளதாக சுகாதார சேவை தொழிற்சங்க கூட்டணியின் ஒருங்கிணைப்பாளர் ரவி குமுதேஸ் தெரிவித்துள்ளார்.
இதன்படி, இன்று (11) காலை 6 மணி முதல் நாளை காலை 8 மணி வரை நிர்வாக உத்தியோகத்தர்கள், சுகாதார முகாமைத்துவ உதவியாளர்கள், அபிவிருத்தி உத்தியோகத்தர்கள், உதவியாளர்கள், வைத்தியசாலை சுகாதார உதவியாளர்கள் மற்றும் ஏனைய சுகாதாரப் பணியாளர்கள் அனைவரும் தொழிற்சங்க நடவடிக்கைக்கு ஆதரவு தெரிவித்து சேவையிலிருந்து விலகியிருக்க தீர்மானித்துள்ளதாக அவர் குறிப்பிட்டுள்ளார்.
