பாடசாலைகளின் கல்வி நடவடிக்கைகளை மீள ஆரம்பிப்பது தொடர்பில் சுகாதார நிபுணர் உள்ளிட்ட தரப்பினருடன் எதிர்வரும் புதன்கிழமை கலந்துரையாடவுள்ளதாக கல்வி அமைச்சர் பேராசிரியர் ஜி.எல் பீரிஸ் தெரிவித்துள்ளார்.
இதன்போது பாடசாலைகள், பல்கலைகழகங்கள், முன்பள்ளிகள் என்பனவற்றை மீள திறப்பது குறித்த யோசனைகளை பெற்றுக்கொள்ளவுள்ளதாக அவர் குறிப்பிட்டுள்ளார்.
தற்போது பாடசாலைகளின் கல்வி செயற்பாடுகள் இடைநிறுத்தப்பட்டுள்ள போதிலும், தொழிநுட்ப வசதிகளின் ஊடாக கல்வி நடவடிக்கைகள் முன்னெடுக்கப்படுகின்றன. எவ்வாறாயினும், இந்த வசதிகள் நாடளாவிய ரீதியில் உள்ள சகல பிரதேசங்களிலும் சாத்தியமில்லாத தன்மை காணப்படுகின்றது.
எனவே, சுகாதார நிபுணர்களின் உரிய ஆலோசனையின் அடிப்படையில் உடனடியாக பாடசாலைகளை மீள ஆரம்பிப்பதற்கு நடவடிக்கை எடுக்கப்படும் என கல்வி அமைச்சர் பேராசிரியர் ஜி.எல் பீரிஸ் தெரிவித்தார்.
முகாமைத்துவ உத்தியோகத்தர் சேவை: போட்டிப் பரீட்சை விண்ணப்ப காலம் நீடிப்பு
