காலங்கள் கடந்து போகின்றன
காட்சிப் பொருளாய் எம் ஏழ்மை - பலர்
வருகின்றனர், விசாரிக்கின்றனர்
ச்சுக கொட்டிவிட்டு குறிப்பெடுகின்றனர்- நாம்
இன்னும் அதே இடத்தில்!
கல்வி, சுகாதார மேம்பாடு
தொழிற்கல்வி, வேலைவாய்ப்பு
தலைமைத்துவப்பயிற்சி, உளவள ஆலோசனை
இப்படி பல திட்ட வரைபுகளை
யாருக்கோ, எங்கேயோ அனுப்புகிறார்கள்
காலம் கடக்கும் போது
வாகனமென்ன? ஆடம்பரமென்ன?
ஆங்கில பேச்சென்ன? அதிகாரமென்ன?
இப்படி மாறிப் போகின்றனர்- வந்து
விரும்பியோ விரும்பாமலோ
சந்தா வழங்குகிறோம்!
ஆளுக்கொரு சங்கம் வைத்து
எம்மை விற்கிறார்கள்!
கேட்டால் உரிமைக்காகவாம்!
வருடங்கள் பல கழிந்தும் - இன்னும்
காத்திருக்கிறோம் ஆயிரம் பெற
