அரசாங்கத்தில் பதிவுசெய்யப்பட்ட மருத்துவர்களின், கட்டாய ஓய்வுபெறும் வயதெல்லையை 63 ஆக நிர்ணயித்து அதிவிசேட வர்த்தமானி அறிவித்தல் வெளியிடப்பட்டுள்ளது.
அரசாங்க சேவை, மாகாண சபைகள் மற்றும் உள்ளுராட்சி மன்றங்கள் அமைச்சினால் நேற்று இந்த வர்த்தமானி அறிவித்தல் வெளியிடப்பட்டுள்ளது.
கடந்த ஓகஸ்ட் மாதம் 2 ஆம் திகதி முதல், இந்த நடைமுறை அமுலுக்கு வந்துள்ளதாகவும், வர்த்தமானியில் குறிப்பிடப்பட்டுள்ளது.
1934 ஆம் ஆண்டு 5 ஆந் திகதி வெளியிடப்பட்ட ஓய்வூதியப் பிரமாணக் குறிப்பின் 51 ஆம் பிரிவின் திருத்தப்பட்டவாறான 1948 ஆம் ஆண்டின் 13 ஆம் ஓய்வூதிய கட்டளைச் சட்டத்தின் கீழான அறிவித்தல் அறிவிததல்.
காலத்திற்குக் காலம் திருத்தப்பட்ட ஓய்வூதியப் பிரமாணக் குறிப்பின் பிரிவு 2 மற்றும் 17 ஆம் ஏற்பாடுகளின் கீழ் 2021.07.08 ஆந் திகதிய அதிவிசேட வர்த்தமானி அறிவித்தல் இல. 2235/60 இல் குறிபபிடப்பட்டுள்ள ஒவ்வொரு பதவிக்கும் உரிய கட்டாய ஓய்வூதிய வயதெல்லை திருத்தம் செய்யும் அட்டவணையில் தற்போது உள்ள பதவிகளுக்கு மேலதிகமாக குறித்த பதவியையும் சேர்த்து மேலும் திருத்தியமைக்கப்பட்டுள்ளது.
