சர்வதேச தொழிலாளர் அமைப்பால் அவ்வப்போது ஏற்படுத்தப்பட்ட தரநிலைகளின் அடிப்படையில் நமது நாட்டின் ஊழியர்களின் ஊதியங்கள், பணி நிபந்தனைகள் மற்றும் பணி நிலைமைகள் அமைந்துள்ளன.
அவற்றுள் 2016 ஆம் ஆண்டின் 3 ஆம் இலக்க தேசிய குறைந்தபட்ச ஊதியச் சட்டத்தை ஒரு தனித்துவமான சட்டமாக அறிமுகப்படுத்தலாம். அரசாங்க ஊழியர்களின் சம்பள அதிகரிப்புக்கு ஏற்றவாறு தனியார் துறை ஊழியர்களின் சம்பளத்தை அதிகரிக்குமாறு தொழிற்சங்கங்கள் அரசாங்கத்திற்கு பரிந்துரைக்கின்றன.
இதன்போது, அரசாங்கம், தனியார்துறை ஊழியர்களின் ஊதியத்தை உயர்த்தி வழங்குமாறு தனியார் துறை முதலாளிகளிடம் கோரும்போது, அதற்கு அவர்கள் இணங்காத காரணத்தால் தனியார் துறையில் ஊதியத்தை உயர்த்த 2016 ஆம் ஆண்டு 3 ஆம் இலக்க தேசிய குறைந்தபட்ச ஊதிய சட்டத்தை அரசாங்கம் கொண்டு வந்தது. 1927 ஆம் ஆண்டின் 27 ஆம் இலக்க இந்திய தோட்டத் தொழிலாளர்களுக்காக குறைந்தபட்ச ஊதிய கட்டளைச் சட்டம் அறிமுகப்படுத்தப்பட்டு பல தசாப்தங்களுக்குப் பின்னர் இந்த சட்டம் அறிமுகப்படுத்தப்பட்டது.
இதற்கமைய, இந்தச் சட்டத்தின்படி, சம்பள நிர்ணய சபை, கடைகள் மற்றும் அலுவலகங்கள் சட்டத்தின் கீழ் உள்ள ஊழியர்கள் உட்பட தனியார் துறையில் உள்ள அனைத்து ஊழியர்களுக்கும் இவ்வாறு பொதுவான குறைந்தபட்ச ஊதியம் அறிமுகப்படுத்தப்பட்டமை சிறப்பானது.
இந்த தேசிய குறைந்தபட்ச ஊதியச் சட்டம் பல சர்வதேச மரபுகளை அடிப்படையாகக் கொண்டது.
1. 100 ஆம் இலக்க சம ஊதிய சமவாயம்
2. 95 ஆம் இலக்க ஊதிய பாதுகாப்பு சமவாயம்
3. 99 ஆம் இலக்க குறைந்தபட்ச கூலி நிர்ணயம் இயந்திரங்கள் (விவசாயம்) மாநாடு
4. 131ஆம் இலக்க குறைந்தபட்ச ஊதிய நிர்ணய சமவாயம் போன்றவை
மேலும், மனித உரிமைகளுக்கான உலகளாவிய பிரகடனமும் குறைந்தபட்ச ஊதியத்தை அங்கீகரித்துள்ளது. அதாவது சம வேலைக்கு சம ஊதியம் மற்றும் நியாயமான மற்றும் சாதகமான ஊதியம் கிடைக்க வேண்டும்.
ஆனால், இந்தச் சட்டத்தில் குறிப்பிடப்பட்டிருந்தாலும், நமது நாட்டில் வீட்டுப் பணியாளர்கள் மற்றும் ஏனைய சட்டப்பூர்வ அமைப்புகளில் பதிவு செய்யப்பட்ட ஊழியர்கள் இதில் உள்ளீர்க்கப்படவில்லை.
அதன்படி, ஊழியர்களின் தேசிய குறைந்தபட்ச ஊதியம் 12,500 ரூபாயாகவும், ஒரு ஊழியரின் தேசிய குறைந்தபட்ச தினசரி ஊதியம் 500 ரூபாயாகவும் இருக்க வேண்டும். ஊழியருக்கு பாதகமான தன்மை இருக்கக்கூடாது.
இந்த சட்டத்தில் அதிகாரம் பெற்றவர் தொழில் ஆணையாளராவார். ஏதேனுமொரு தொழில் வழங்குநர், ஒரு ஊழியருக்கு குறைந்தபட்ச ஊதியத்தை வழங்கத் தவறினால், தொழில் ஆணையாளர் நாயகம் சம்பந்தப்பட்ட நீதவான் நீதிமன்றத்தில் வழக்குத் தாக்கல் செய்யலாம்.
இங்கு தொழில் தருநருக்கு எதிராக 25,000 ரூபாவை விஞ்சாத அபராதம் மற்றும் ஆறு மாத கால சிறைத்தண்டனையும் விதிக்கப்படலாம்.
