1,000 ரூபா சம்பள உயர்வு விவகாரம்: கம்பனிகளின் கோரிக்கை நிராகரிப்பு
பெருந்தோட்ட தொழிலாளர்களின் நாளாந்த வேதனத்தை 1,000 ரூபாவாக அதிகரித்து வெளியிடப்பட்ட வர்த்தமானி அறிவித்தலுக்கு இடைக்காலத் தடைவிதிக்குமாறு பெருந்தோட்ட நிறுவனங்கள் முன்வைத்த கோரிக்கையை மேன்முறையீட்டு நீதிமன்றம் நிராகரிக்கத்துள்ளது.
குறித்த மனு இன்று மேன்முறையீட்டு நீதிமன்றில் விசாரணைக்கு எடுத்துக்கொள்ளப்பட்டது.
இதன்போது வர்த்தமானிக்கு எதிராக இடைக்கால தடைவிதிக்குமாறு கோரப்பட்ட போதும் நீதிமன்றம் அதனை நிராகரித்தது.
இந்த மனுமீதான மேலதிக விசாரணைகளை எதிர்வரும் மே மாதம் 5 ஆம் மற்றும் 17 ஆம் திகதிகளில் மேற்கொள்ள வழக்கினை நீதிமன்றம் பிற்போட்டது,
